Travagghiu
Li sulitudini di l'ego
La raccolta è n'immersioni ntâ cchiù prufunna intimità, nu viaggiu intruspittivu ca frammenta e ricomponi li stati emutivi ca risurtunu di l'autuesami. Figuri suttili e nudi abbitanu chistu universu nternu. Li furmi vacanti, apposta ngrummanti, dimustranu la sò fraggilità. La ntirazzioni umana è lu catalizzaturi ca li anima. Lu prucessu tiratìvu di junciri e livari lu mitaḍḍu è cintrali pû significatu dû travagghiu. Giochi sempri câ forma tangibbili e câ pircizzioni mintali.
Li "gocci", di sòlitu scartati comu ‘nsignificanti, sunnu trasfurmati ‘ntraversu l'aggriggazzioni nnâ n'entità coìsa ca avvolgi li figuri. Juncennusi nna un nzemi, dimustranu ca lu nzemi è cchiù granni dâ summa dî so parti. Chista fusiuni di diversi elimenti cerca di criari na spirènzia visivamenti culpiscenti, riflettennu la natura ciclica di l'introspizzioni stissa, unni l'emuzzioni s'abbannunu e s'arridùciunu e li schemi di pinseri emergunu e si dissolvunu continuamenti.
Na rilazzioni, n'òpira d'arti ca s'evolvi sempri. Dilicata comu è forti, la figura fimminili esponi li sò vulnerabilità e porta nu pisu ca pò èssiri trasfurmatu ntâ luci attraversu la cunnissioni umana.
Ntraversu la custanti agghiuncitina e suttrazzioni dû mitaḍḍu, la furma dâ figura veni furmata e trasfurmata, raffurzannu certi parti a spisi di autri. È n’equilìbbriu dilicatu unni ogni rinfurzamentu ‘mplica n’indebbulimentu. La lampada, nu faru virsàtili, pò èssiri ripusizziunata e canciata p’adattàrisi ô jocu cuntinuu di luci e ùmmira.
Nomu: Travagghiu
Cullizzioni: Li sulitudini di l'ego
Annu: 2024
Tecnica: Saldatura
Matiriali: Acciaiu
Diminsioni: 55x25x20 cm
Pisu: 4kg
Tipu: Bagiù
