Vari avanti, mmagginari novi diminsiuni dâ spirènzia umana pi 'mparari di l'ùmmiri, dî caduti e dî prubblimàtichi, è chiḍḍu ca lu travàgghiu di Gaspare Como ci invita a fari. L'artista non cria na sìmplici seggia, ma n'uggettu di pruggettazzioni nta l'acciaiu saldatu ca si ribbella contra la sò funzioni urigginali a causa dâ sò nclinazzioni inaspittata. La scultura inganna lu spittaturi e, ô stissu tempu, metti n risaltu lu putinziali trasfurmativu di l'ambienti. La camurrìa, di cui pigghia lu tìtulu l'òpira, pi li siciliani è nu tèrmini chi ìnnica nu fastidiu, n'elimentu di fastiddiu, mentri pi l'artista, pò addivintari na vibbrazzioni stimulanti ca ntirfirisci cu lu quietu, dannu uriggini, comu nta na Domino, a na succissioni di riflessioni e trasfurmazzioni dâ rialtà. Chistu non è nu postu còmudu e rassicuranti, ma chiuttostu n'incentivu pi esplurari lu scanusciutu.